Павлодардың бұрынғы әкімі Оразгелді Қайыргелдинов жемқорлық ісінде күдікті деп танылы тұтқып, тұтқындалды, — деп хабарлайды ADYM.KZ Tengrinews.kz сайтына сілтеме жасап.
«Павлодар облысы бойынша Жемқорлыққа қарсы іс-қимыл департаменті жемқорлық қылмыстық құқықбұзушылық жасады деген күдікпен Қайыргелдиновке қатысты қылмыстық істі тергеп жатыр», — деп мәлімдеді Жемқорлыққа қарсы қызмет басшысының орынбасары Дархан Құрақбаев.
Тергеу мәліметіне сәйкес, Павлодардың экс-әкімі жемқорлық іс-әрекетті Павлодар облысы Баянауыл ауданының әкімі болып жүргенде жасаған.
«Ол (Оразгелді Қайыргелдинов — еск.) облыстық бюджеттің есебінен 240 миллион теңгеге пайдалануға жарамсыз аэродромды біле тұра Баянауыл ауданының коммуналдық меншігіне заңсыз иемденді деген күдікке ілінді. Оған қатысты қамауға алу шарасы тағайындалды. Тергеу жүріп жатыр», — деді сауалға Құрақбаев.
Ведомстводағылар сотқа дейінгі тергеудің басқа деректері жарияланбайтынын атап өтті.
Павлодар облысында кіші авиацияға қызмет көрсету үшін аэродромның құрылысы туралы 2017 жылы айтыла бастады. Мұны аймақтың экс-әкімі Болат Бақауов бастаған. Ол бұл арқылы Баянауыл ұлттық саябағының туристер үшін тартымдылығын көтеру және сол кезде салынып жатқан тау-шаңғы базасын дамытуға ниет білдірген.
2018 жылғы тамызда Азаматтық авиация комитеті нысанның құрылысы аяқталып қалғанын хабарлады. Бірақ облыс пен ауданның экс-әкімінің жоспарлары іске аспады, осы жылдың қаңтарында екеуі де бір уақытта тергеуге алынды. Сотталған Бақауовқа қарағанда, Қайыргелдинов биылғы қазанда тұтқындалды.
Оразгелді Қайыргелдинов Павлодарда 2011-2014 жылдары басшылық етті. Одан кейін бұл орынға Болат Бақауов тағайындалды. Кейін Қайыргелдинов облыс әкімі аппаратының коммуналдық кәсіпорнын басқарды, ал екі жылдан кейін аудан әкімі болды. 2019 жылғы желтоқсанда ол жұмыстан шықты, ал осы жылдың қаңтарында ауыл шаруашылығы жұмысшыларының аймақтық салалық кәсіподағы басшысының орынбасары болды.
