Төлеби ауданында тестілеу 24-30 маусым аралығында Ленгір қаласындағы №7 IT лицейдің ғимаратында өтуде.
Биыл аудандағы 53 мектептен 963 талапкер тест тапсыруға өтініш білдірген. Күнделікті ҰБТ-ға 137-147 оқушы қатысуда.
Індетке байланысты тестілеу барысында барынша сақтық шаралары сақталуда. Түлектердің дене қызулары өлшеніп, бетперде мен медициналық қолғаппен кіргізіліп, аудиториядағы арақашықтығы сақталған орынға отырады.
Осы күнге дейін 3 оқушы сынаққа келмеген, 1 талапкер денсаулығына байланысты тестті жалғастыра алмаған. Бұдан өзге, тыйым салынған заттармен ұсталған 5 оқушы аудиториядан шығарылған.
Айта кетейік, алғашқы өткізілген сынақ нәтижесі бойынша аудандағы ең жоғарғы балл 123-ке жетіп отыр.
Тестілеуге кірген талапкерлерге 11 жыл бойы алған білімдерін кеңінен қолданып, сәттілік серік болсын дейміз.
