«21 мамыр Мәдениет және өнер қызметкерлері күні» мерекесіне орай Қазақстан Республикасының Мәдениет және спорт министрі Ақтоты Рахматоллақызы Райымқұлова Түркістан облысына арнайы жұмыс сапарымен келді.
Түркістан облысы әкімдігінің залында облыс әкімінің орынбасары Сәкен Қалқаманов, Түркістан облыстық мәдениет басқармасы басшысының міндетін атқарушы Әзімхан Қойлыбаевтың қатысуымен Мәдениет басқармасына қарасты мекемелердің қызметкерлерін «Мәдениет және өнер қызметкерлері күні» мерекесімен құттықтап, марапаттау рәсімі өтті.
Аталған салтанатты шарада Ш. Қалдаяқов атындағы облыстық филармониясы «Сүгір» атындағы қазақ ұлт аспаптар оркестрінің көркемдік жетекшісі Қонысбеков Өмірбек Әлімбекұлы ҚР Мәдениет және спорт министрлігінің «Мәдениет саласының үздігі» төс белгісімен,
«Яссы» би ансамблінің көркемдік жетекшісі Тәукеев Қуат Анатолиұлы ҚР Мәдениет және спорт министрінің Құрмет грамотасымен марапатталды.
