Нұр-Сұлтан қаласында 200 орынға арналған заманауи жұқпалы аурулар ауруханасының құрылысы аяқталды. Нысан 13 күн ішінде салынды, деп мәлімдеді Мемлекеттік комиссияның шұғыл штабы.
Айта кетейік, 3 сәуірде Төтенше жағдай режимін қамтамасыз ету жөніндегі мемлекеттік комиссия Қазақстанның үш ірі қаласында жұқпалы аурулар ауруханасын салуды шешкен.
Төтенше жағдай кезінде науқастарды қабылдайтын 200 орынды госпитальдің құрылысы Нұр-Сұлтандағы туберкулезге қарсы диспансер маңында 5 сәуірде басталған болатын.
