Алматы маңында 72 сағатта 100 орындық госпиталь тұрғызылды

Алматы маңында әскери-далалық госпиталь ашылды. Оны тұрғызуға бар-жоғы 3 күн кеткен. Мекеме 100 төсек-орынға арналған. Онда қабылдау және диагностикалық бөлімшелер, дәріхана, операциялық блок пен жан сақтау бөлімшесі бар. Сондай-ақ рентгендік тексеру, өкпені жасанды желдету құралдарымен жабдықталған. Жылыту және ауа баптау жүйелері, тазалық тораптары мен жуыну бөлмелері де қарастырылған. Ал госпиталь жанында 300 орындық екі ғимарат та дайын тұр. Оған қоса 500 орындық шатырлы лагерь ашылған. Олар карантин кезеңінде пайдаланылады.